Guggenheim berria Finlandian?
Helsinkik ere Guggenheim museoa nahi du
Erredakzioa
Bizkaiko Foru Aldundiak jakitera eman duenez, Salomon Guggenheim Fundazioaren eskutik jaso du berria. Finlandiako hiriburuak Guggenheim berria jartzeko negozioari ekiteko asmoa agertu dio Fundazioari.
Helsinkik ere Guggenheim museoa nahi du. Bizkaiko Foru Aldundiak ohar batean jakitera eman duenez, Guggenheim museo berria Helsinkin eraikitzeko interesa agertu du Finlandiako hiriburuak.
Aldundiaren oharrak jasotzen duenez, negoziazio prozesuari ekiteko asmoa jakinarazi dio hiriburuak Solomon Guggenheim Fundazioari.
Helsinkiren planteamenduari arretaz begiratuko duela esan du Aldundiak, balizko eraikin berriak Bilbon izan lezakeen eragina aztertu nahi baitu.
Analisi horren ondorioak Guggenheim Bilbao Museoaren kudeaketa arduradunei jakinaraziko dizkiete, horiek New Yorkeko Fundazioari helaraz diezazkioten.
Fundazioak Helsinkiko balizko museoaren inguruan hartuko duen erabakia gorabehera, Bizkaiko Foru Aldundiak begi onez ikusi du Finlandiako hiriburuaren asmoa. ''''Guggenheim museoarenproiekzioarekin harro egoteko moduko berria da'''', Aldundiarenarabera. ''''Guggenheim markak mundu mailan, eta bereziki Europan,garapenenerako sortzen duen itxaropenaren adierazgarri da'''', gehitu du.