Artea
Bilboko Arte Eder Museoa handitu egingo dutela baieztatu du Aburtok
eitb.eus
Horrela, museoak 8.000 metro karratu gehiago izango ditu. Lanek 22 milioi euroko kostua izango dute.
Bilboko Arte Eder Museoa. Argazkia: EiTB
Juan Mari Aburto Bilboko alkateak baieztatu du Arte Eder Museoa handitu egingo dutela.
Horrela, museoak 8.000 metro karratu gehiago izango ditu: 5.000, egun Casilda Iturrizar parkean duen egoitza handituz, eta beste 3.000, eraikin laguntzaile bat erosiz.
Lanek 22 milioi euroko aurrekontua izango dute, eta nazioarteko lehiaketa egingo da horiek esleitzeko, Museoaren Patronatuak gaur, urteko azken bileran, erabaki duenez.
Miguel Zuaza museoko zuzendariak eta Unai Rementeria Bizkaiko ahaldun nagusiak zehaztasun gehiago emango dituzte bihar.
Aburtoren esanetan, lanen helburua "museoari bultzada ematea" izango da.