Erakusketa
Picassoren grabatuak Bilboko BBK Aretoan, apirilaren 30era arte
Erredakzioa
Malagako artistak grabatuen esparruan egindako ibilbidea laburbiltzen duten 70 artelan daude ikusgai.
Picassoren hainbat marrazki eta grabatu bildu dituzte Bilboko BBK Aretoan. Guztira 70 artelan daude bertan ikusgai, artistak 1922 eta 1971 bitartean sortutakoak.
Martine Soria erakusketako arduradunak azaldu duenez, inprimatzaile gisa Picassok erabilitako teknika guztiak daude bilduma honetan: punta lehorra (denetan sofistikazioa gutxienekoa), linograbatua, akuafortea eta litografiak.
Erakusketa ez da grabatuen gaien arabera antolatu, baina, agerikoa denez, asko direla tauromakia lantzen dituzten lanak.
Bildumazale pribatuek eta Vallauris (Frantzia) herriko Zeramika Museoak utzitako piezak dira. Hain zuzen ere, Picasso udalerri honetan bizi izan zen &' || 'nbsp; 50eko hamarkadan.
BBK Fundazioak antolatu du erakusketa, eta apirilaren 30a arte izango dira lanok ikusgai.