Erakusketa
Jesus Soto venezuelarraren arte dinamikoak Guggenheim argituko du
Agentziak | Erredakzioa
“Soto. Laugarren dimentsioa” erakusketa 2020ko otsailaren 9ra arte egongo da ikusgai Bilboko museoan.
"Soto. Laugarren dimentsioa" erakusketak Zeharkagarriak saileko hainbat lan erakutsiko ditu
Guggenheim Bilbao Museoak Jesus Rafael Soto venezuelar artistaren arte “dinamiko eta bizia” erakutsiko du. Europan XX. mendearen bigarren erdian sortu zen arte zinetikoaren erakusgarri handienetakoa da Soto.
“Soto. Laugarren dimentsioa” erakusketak atzera begirako bide hunkigarria eskaintzen du 1950ean Parisen ezarri zen sortzaile honen ibilbide artistikoan zehar. Han bizi izan zen eta lan egin zuen Sotok, 2005ean hil zen arte.
Venezuelar artistaren 60 artelanen artean, Zeharkagarriak saileko hainbat obra daude.