Museoa
Bilboko Arte Ederren Museoa Google Art Projecten bisitatu daiteke
151 instituziotako 30.000 objektu sartu dituzte, bereizmen handian. Margolanak erakusteaz gain, mundu osoko eskulturak, kaleko artea eta argazkiak deskubritzeko aukera ematen du.
Your browser doesn’t support HTML5 video
Bilboko Arte Ederren Museoa munduko edozein puntutatik bisitatu daiteke klik bakar batean Googlen Art Project egitasmoari esker. Bigarren fasean sartu dira, 151 instituziotako 30.000 objektu sartu dituztelarik. Bereizmen handian ikus daitezke lan guztiak.
Bizkaiko hiriburuko museoaz gain, AEBetako presidenteak Etxe Zurian, Washington hiriburuan, duen bulegoa, Qatarreko Arte Islamiarreko Museoa, Delhiko Arte Modernoko Galeria, Madrilgo Thyssen-Bornemisza eta New Yorkeko Metropolitan museoak bisitatu daitezke Google Art Projecten, besteak beste.
"My Gallery" aukerak 30.000 lanen artean aukeratzeko aukera ematen dio erabiltzaileari eta eta baita bilduma propioa osatzekoa ere. Margolan bakoitzari iruzkinak gehitzeko aukera dago eta konpartitu daiteke. Garai, artista eta mota ezberdinetako lanak aurki daitezke.