Heriotza
Lorenzo Ascasibar eskultorea zendu da
N. V. | EITB Media
Gipuzkoar artista erlijiosoak, euskal eskultura figuratiboaren ordezkari nagusienetakoak, 91 urte zituen.
Lorenzo Ascasibar 2021ean, bere obrari buruzko liburuaren aurkezpenean
Lorenzo Ascasibar gipuzkoar eskultorea, XX. mendearen bigarren erdialdeko euskal eskultura figuratibo gehienbat erlijiosoaren ordezkari behinenetako bat, hil da gaur, astelehenarekin, 91 urte zituela.
Elgetan 1930ean jaioa, Ascasibarren 700 lan baino gehiago ditu ikusgai Euskal Herrian eta AEBetan. Bilboko Berreginen Museoan abiatu zuen bere ibilbidea, eta bertan ikasi zuen lana, lau urte eta erdiz, Higinio Basterra bilbotar eskultorearen eskutik.
AEBetara aldatu zen 1957an, eta bertan garatu zuen bere obra garatzen 1970eko hamarkadara arte.
Euskal Herrian, Bergarako San Pedro elizako bere Pietatea dago ikusgai, baita Ricardo Bastida bilbotar arkitektoaren busto bat ere, Berreginen Museoan bertan.
Iaz, Miguel Angel Elkoroberezibarrek bere obraren inguruan idatzi duen liburuaren aurkezpenean izan zen Ascasibar, eta Aroztegi Bergarako aretoak atzera begirako erakusketa bat eskaini zion.