Julio Soto iruindarrak jantzi du txapela Lesakan

Julio Soto iruindarra gailendu da 2010eko Nafarroako Bertsolari Txapelketaren finalean. Larunbat arratsalde honetan Lesakan izandako azken frogan, guztira, zortzi bertsolari lehiatu ziren eta Sotok eskuratu zuen puntuaziorik altuena, 555,5 puntu, alegia.

Arkaitz Goikoetxeak Sotok baino 24 puntu gutxiago irabazi ditu, hori dela eta, bigarren postua lortu du. Hirugarrenean, ordea, Estitxu Arozena lesakarrarentzat izan da.

Saio polita eskaini diete finalistek Lesakako pilotalekura bertsolaritzaz gozatzera bildutako 1100 bertsozaleei. Giro bikaina izan da saio osoan zehar eta ale ederrak
entzun ahal izan dira, Bertsozale Elkarteak adierazi duenaren arabera.

Aurtengo edizioak zenbait berrikuntza ekarri ditu. Lehenengo aldiz, 2006an, 2007an eta 2009an irabazle atera zen Julio Silveira txapelduna ez da finalean egongo. Bestaldetik, azken urteetako finalak Elizondon izan ziren. Aurtengoa, haatik, Lesakan izango da, finalaz gozatzeko ikusleentzako jezarleku kopuru gehiago ahalbidetu duena.

Honekin batera, bi bertsolari, Goikoetxeak eta Lazkozek, lehen aldiz hartu dute parte finalean. Iazko finaletik, berriz, hiru errepikatuko dute: Sotok, Legarretak eta Zelaietak.

Bata ala bestea faborito bezala agertu arren, aurreko urteetako irabazleak Estitxu Arozenak eta Julen Zelaietak jada izan dira.

Ikusmin handia sortu du Lesakako finalak. Hori dela eta, azken egunotan pilotalekuan izateko sarrera guztiak saldu egin dira, bai Interneten bidez salgai jarri zirenak eta baita Nafarroako hainbat saltokitan eskura zeudenak ere.

Finaleko sailkapen osoa

Julio Soto 555,5 puntu
Arkaitz Goikoetxea 531,5 puntu
Estitxu Arozena 517 puntu

Xabier Legarreta "Arano" 496,5 puntu
Oskar Estanga 496 puntu
Eneko Lazkoz 488,5 puntu
Xabier Terreros 481 puntu
Julen Zelaieta 481 puntu