Aplikazioa
Esaera zaharrak, gailu berrietan
N.V. | eitb.eus
Estatubatuar pedagogo batek eta euskal garatzaile batek esaera zaharrak ikasteko doako aplikazio bat kaleratu dute.
Esaera zaharrak aplikazioa
MasterKey Games Joel Barnes Bizkaian ezarritako estatubatuarrak eta Imanol Fernández, ingeniari informatikoak sortutako enpresak ‘Esaera zaharrak’ doako aplikazioa garatu du, Android sistemadun telefonoetarako eta Iphone eta Ipadetarako.
Jokoaren funtsa da jokalariek hitzak modu egokian ordenatu behar dituztela, esaera zaharrak osatzeko, eta jokoak nota jakin bat jartzen du akatsen eta erabilitako denboraren arabera. On-line ere joka daiteke, enpresak azaldu duenez, beste jokalari batzuen kontra.
Egun, aplikazioak 250 esaera baino gehiago dauzka.