Heriotza
Jeff Hanneman, Slayer taldeko gitarrista, hil da
Bi urte zeramatzan agertokietatik kanpo osasun arazoak zituelako: armiarma batek kosk egin eta dirudienez, horrek faszitis nekrosatzailea eragin zion.
Slayer taldeko Jeff Hanneman. Argazkia: EFE
Jeff Hanneman, Slayer taldeko gitarrista eta sortzaileetako bat, Kalifornia hegoaldeko ospitale batean hil da gibel-gutxiegitasun baten ondorioz. Horrela jakinarazi du taldeak sare sozialen bitartez.
1964an jaio zen Los Angelesen eta bi urte zeramatzan agertokietatik kanpo osasun arazoak zituelako: armiarma batek kosk egin eta dirudienez, horrek faszitis nekrosatzailea sortu zion.
1981an Slayer taldea sortu zuen Kerry King gitarristarekin batera eta Tom Araya abeslariarekin eta Dave Lombardo bateria-jotzailearekin lanean hasi ziren. Trash-metal mugimenduko talde garrantzitsuenetariko bat izan zen, Metallica, Megadeth eta Anthrax taldeekin batera.