Agurra
Barricada taldea banandu egingo da
Azaroaren 23an eskainiko dute azken kontzertua, Anaitasunan. Iruñeko taldeak banantzea erabaki du "giro onean", 31 urteko ibilbidearen ostean.
Barricada, La Jungla Sonora saioan. Argazkia: EITB
Barricada Iruñeko rock talde ezagunak banantzea eta musika mundua uztea erabaki du, 31 urteko ibilbidea egin eta 24 disko argitaratu ostean. 2011. urtearen amaieran, El Drogasek Barricada utzi zuen eta gainerako partaideek taldearekin jarraitzea erabaki zuten, eta baita disko berri bat argitaratu ere.
Halere, Barricadak azken kontzertu bat eskainiko du: azaroaren 23an izango da, Iruñeko Anaitasuna pabiloian.
Mila kontzertu baino gehiago eskaini ditu Barricadak, eta diamantezko disko bat jaso du, 31 urteko ibilbidean milioi bat disko baino gehiago saldu baititu.