Maiatzaren 14an
Triángulo de Amor Bizarro eta Rural Zombies, Irun Rock jaialdian
EITB.EUS
Data aldaketa izango du Irun Rock jaialdiaren aurtengo edizioak. Hala, maiatzaren 14an, aipatu taldeak ez ezik, The Saurs ere igoko da agertoki gainera.
TRIANGULO DE AMOR BIZARRO
Irun Rock jaialdiak aurreneko iragarpenak egin ditu gaur. Hain zuzen ere, zazpigarren edizioan arituko diren hiru talderen izenak eman dituzte jakitera. Halaber, irailean izan beharrean, jaialdia maiatzean egingo dutela aurreratu dute antolatzaileek.
Horrela, maiatzaren 14an, besteak beste, Triángulo de Amor Bizarro igoko da oholtzara, argitaratu berri duen Salve Discordia diskoa aurkezteko.
Gainera, The Saursen musika entzungo da Irunen, baita Rural Zombies zestoarrena ere.
Sarrerak
Sarrera erosten duten lehenengo 500 pertsonek 15 euroko salneurri berezian jasoko dute. Dagoeneko eskuragarri daude, Ticketea eta Ticketbell weguneetan.