Guitar Gods Festival
Barakaldar bat, gitarraren olinpoan
N.V. | eitb.eus
Robert R. Rodrigo bizkaitar gitarrista trebeak Guitar Gods Yngwie Malmsteen mitikoak antolatzen duen jaialdiko gitarrista lehiaketako finalean parte hartuko du gaur, Miamin.
Robert Rodrigo
Robert R. Rodrigo gitarra elektrikoaren maisua gitarraren jainkoa izateko lehiatuko da gaur Miamin, Guitar Gods jaialdian. Bakarka zein Airless taldean eginiko ibilbideagatik da ezagun barakaldarra.
Zazpi lehiakide izango ditu aurrean Rodrigok, Yngwie Malmsteen musikari mitikoak eta haren emazteak antolatzen duten jaialdiko gitarrista lehiaketako finalean. Hartara, irabazlearentzako saria irabaz lezake: topaldiaren babesleek emaniko materiala, eta Axes & Anchors itsas bidaia musikala egiten duen itsasontzian joan eta bertan erakustaldi bat emateko eskubidea. Ohorezko bidaideak izango ditu ontzian, hala nola Zakk Wylde, Marty Friedman, Bumblefoot, Gilby Clarke eta sei hariko instrumentuaren beste zenbait maisu.
Robert Rodrigo, Miamira heltzean
Halaber, gaur Floridan hasiko den jaialdian, lehiaketaz gain, Yngwie Malmsteen, Steve Vai, Nicko McBrain Iron Maideneko bateria eta Ozzy Osbourne eta Quiet Riot taldeekin aritutako hainbat musikariren emanaldiak izango dira.
Airless
Airless bizkaitar gitarrista buru duen taldeak “Make it right” EPa aurkeztu berri du 2016. urtea heltzearekin batera.