Sarrera guztiak, salduta
Kraftwerken Guggenheimeko 8 kontzertuetako 3rako sarrerak, agortuta
eitb.eus
Taldeak zortzi gauez jarraian joko du museoan, emanaldi bakoitzean 800 pertsona aurrean dituela. Urriaren 7, 8 eta 10erako sarrera guztiak saldu dituzte dagoeneko.
By Miroslav Bolek (Own work) [<a href='By Miroslav Bolek (Own work) [CC BY-SA 3.0 (http://creativecommons.org/licenses/by-sa/3.0)], via Wikimedia Commons' target='_blank' title='CC BY-SA 3.0'>CC BY-SA 3.0</a>], via Wikimedia Commons
Kraftwerk taldeak Bilbon emango duen kontzertu sortako hiru emanalditarako sarrerak agortu egin dira. "The Catalogue - 1 2 3 4 5 6 7 8" 3D-ko kontzertu errenkada taularatuko du taldeak Bilboko Guggenheim museoan zortzi gauez, eta 800 pertsonarentzako tokia egongo da saioetako bakoitzean. Urriaren 7, 8 eta 10eko kontzertuetarako sarrera guztiak agortuta daude.
Bira honetan, taldea abangoardistak diskografia osoko kanturik onenak joko ditu: nahiz eta gau bakoitzak disko baten izenburua izan, errepertorio osoko kantuak joko dituzte gauero.
Autobahn (1974) - Urriak 7 - Ez dago sarrerarik
Radio-Activity (1975) - Urriak 8 - Ez dago sarrerarik
Trans Europe Express (1977) - Urriak 9
The Man-Machine (1978) - Urriak 10 - Ez dago sarrerarik
Computer World (1981) - Urriak 11
Techno Pop (1986) - Urriak 12
The Mix (1991) - Urriak 13
Tour de France (2003) - Urriak 14
Gelditzen diren sarrerak 76,5 euroko prezioan erosi ahal dira doctormusic.com webgunean. Erosketa bakoitzeko, lau sarrera erosi ahalko dira gehienez.