Shakirak eromena ekarri du BEC!era

Shakirak ez die hutsik egin Barakaldon, BEC!era bertaratu diren zaleei. Abeslariak eromena ekarri du jendez gainezka zegoen Bilbao Exhibition Centrera, Sale el Sol azken diskoko kantuekin.

Shakirak astearte honetan BEC!en eskaini duen zuzenekoak&' || 'nbsp; ikusmin handia piztu du, bereziki abeslariaren jarraitzaile gazteenen artean. Zale batzuk hainbat orduz egon dira Bilbao Exhibition Centren, kontzertua noiz hasiko zain. Aurreikusi bezala, Bizkaia Arena lepo egon da, Shakira zuzenean ikusteko sarrerak aspaldi agortu baitziren.

Joan den ostiralean, Madrilen zuzenekoa eskaini ondoren iritsi da Shakira geurera, eta asteazken honetan Bartzelonan eskainiko du kontzertua. Ez dira hauek Espainian aurten eskaini dituen lehen emanaldiak: udan Madrilgo Rock In Rion aritu zen Shakira, 90.000 ikusleren aurrean.

Musika ibilbide oparoa du abeslari kolonbiarrak: izan ere, 50 milioi diskotik gora saldu eta 200 izendapenetik gora lortu ditu munduan barrena.