Primavera Sound
Trish Keenan, Broadcast britaniar taldearen abeslaria, hil da
Erredakzioa
Pneumonia baten konplikazioen ostean zendu da, Primavera Sound jaialdiaren antolatzaileek jakitera eman dutenez. 2011ko ediziorako baieztatu zituzten lehen izenen artean zegoen taldea.
Trish Keenan, Broadcast britaniar musika taldearen abeslaria, ostiral honetan hil da pneumonia baten ondorioz sortutako konplikazioen ostean, Primavera Sound jaialdiaren antolatzailek ohar baten bitartez aditzera eman dutenez. Primavera Sound 2011ko edizioan baieztatu zuten lehen izenen artean zegoen Broadcast taldea. Warp diskoetxeak zabaldutako oharrak jakinarazi duenez, "tristura handiz, Broadcast taldeko Trish Keenan abeslaria gaur goizean erietxean hil dela iragarri nahi dugu. Pneumonia baten konplikazioen ostean zendu da, zainketa intentsiboetan azken bi asteak eman ondoren".
"James, Martin, bere lagunak eta bere familia gogoan ditugu", gaineratu du Primavera Sound jaialdiak. "Galera tragikoa da hura eta benetan botako dugu faltan. Ahots paregabea eta talento aparta zituen, eta gizaki miresgarria zen", adierazi dute azkenik.