Pearl Jam taldeko abeslaria
Eddie Vedderrek bakarkako diskoa kaleratuko du, ukelelea lagun duela
Erredakzioa
Maiatzaren 31n kaleratuko du 'Ukelele Songs' diskoa. Ukelelea erabilita, kantu originalak eta moldaketak bildu ditu bertan.
Eddie Vedderrek Ukelele Songs bakarkako diskoa kaleratuko du maiatzaren 31n. Pearl Jam taldeko abeslariak ukelelea joz grabatu dituen kantuak bildu dituzte bertan, batzuk originalak eta beste batzuk moldaketak.
''''Longing to Belong'''' lehen aurrerapena martxoaren 22tik aurrera jaitsi ahal izango dugu, eta maiatzaren azken egunean abeslariaren DVD bat iritsiko da. Bertan, 2008ko abuztuan egindako biraren irudiak bilduko dituzte.
Edonola ere, Pearl Jamek ez du etenik
Eddie Vedderrek bakarka kaleratuko dituen lan hauek ez dute Pearl Jamen ibilbidea eten. Izan ere, 20 urte beteko ditu aurten taldeak, eta, urteurren hori ospatzeko, diskoa kaleratuko dute. Apirilean sartuko dira estudiora Pearl Jam taldeko mutilak.