Musika
Jack Bruce Bilboko BBK aretoan arituko da urriaren 12an
Erredakzioa
Cream taldean aritutako abeslari, konposatzaile eta multi-instrumentista ezagunak emango dio hasiera Music Legends zikloaren edizio berriari.
Jack Bruce. Argazkia: Jill Furmanovsky
Music Legends Bilboko BBK aretoan egiten duten zikloa urriaren 12an itzuliko da Jack Bruce musikariaren emanaldiarekin. Cream taldean aritutako abeslari, konposatzaile eta multi-instrumentista rockaren historiako ezinbesteko erreferentzia da.
Eric Clapton eta Ginger Baker musikarien alboan, arrakasta handia lortu zuen 60ko hamarkadan. Gainera, Graham Band Organisation, Manfred Mann, BBM (Gary Moorekin batera) eta John Mayallen Bluesbreakers taldeetan ere aritu zen, besteak beste.
Kontzertura joateko sarrerak ohiko BBK sarean eskuratu daitezke: BBK kutxazainetan, webgunean eta 944310310 telefono zenbakian.