Bira
Bruce Springsteenek Donostian eman behar duen kontzerturako sarrerak
Erredakzioa
Abenduaren 2an jarriko dituzte salgai goizeko 10:00etan, 65 eta 83 euroren truke.
Bruce Springsteen 2009an. Argazkia: EFE
Bruce Springsteenek Donostian eskaini behar duen kontzerturako sarrerak abenduaren 2an jarriko dituzte salgai, goizeko 10:00etan. Sarrerak doctormusic.com eta ticketmaster.com webguneetan eta 902 15 00 25 telefonoan eskuratu ahal izango dira bakarrik. Gainera, FNACen eta Carrefourren ere izango dira salgai.
Bruce Springsteenen kontzerturako sarreretan 2009ko birako salneurria mantentzea erabaki dute antolatzaileek. Pistako sarrera orokorrak 65 euro balio ditu eta eserleku bereziak 65 eta 83 euroren truke eskuratu daitezke (tokiaren eta hiriaren arabera).
Gainera, pertsona bakoitzak sei sarrera eskuratu ahal izango ditu gehienez, artistaren bozeramaileak horrela eskatuta.
Donostian aritzeaz gain, Sevillan, Bartzelonan eta Madrilen izango da 'The Boss'.