Kontzertuak
Russian Red bueltan da Euskal Herrian, sarrerak agortuta
Garazi Urdanpilleta
Erredakzioa
Artista madrildarra Kafe Antzokian arituko da gaur eta bihar Kursaalen. Sarrera guztiak agortuta daude.
Your browser doesn’t support HTML5 video
Russian Red Bilbora eta Donostiara bueltan da asteburu honetan. 'Fuerteventura' bigarren diskoa besapean hartuta, Lourdes Hernandez madrildarra Kafe Antzokian arituko da ostiralean eta larunbatean berriz, Kursaalen taularatuko ditu bere doinuak.
Kontzertu horietarako sarrerak agortuta daude.
Russian Red ezinbesteko artista bihurtu da azken aldian. 2008an 'I love your glasses' estreinako lanarekin eta hurrengo bi urteetan egindako birarekin izandako arrakasta itzelaren ostean, aurten kaleraturako 'Fuerteventura' diskoarekin berretsi egin du musikaren munduan betetzen duen lehentasunezko lekua. Hainbat publizitate kanpainatan, telesailetan eta filmetan entzun daitezke bere kantuak.
Asia, Europa osoa eta AEBak zeharkatu ditu 'Fuerteventura' lanarekin Russian Redek eta, urtarrilean, berriz itzuliko da Euskal Herrira.