Bira, bertan behera
Anestesia taldeak zuzeneko jarduna etengo du
N. V. | EITB Media
Zarauztar laukoteak bertan behera utzi ditu Fenix Tour biran hitzartuta zituen kontzertuak, "taldeak dituen zirkunstantziak" direla eta. Laster itzuli nahiko lukete agertoki gainera.
Anestesia taldea zuzenean, 2018ko Durangoko Azokan
Anestesia zarauztar thrash metal eta hardcore laukoteak geldiune bat egingo du zuzeneko jardueran. Bertan behera utzi ditu Fenix Tour biraren barruan iragarrita zituen kontzertuak, Donostian (apirilak 30), Biarritzen (maiatzak 14) eta Bilbon (maiatzak 21).
Aurretik ere, osasun arazoengatik, ezin izan zituen jo martxoaren 26rako Gasteizen eta apirilaren 2rako Ondarroan eman beharreko kontzertuak.
Sare sozialen bidez zabaldutako ohar batean taldeak adierazi du espero duela "garai hobeak iristea eta laster berriro jotzen hastea". "Barkatu gu ikustera etorri behar zenutenei, eta mila esker", erantsi du.