Ekainak 2-8
Pinchas Zukerman, Euskadiko Orkestraren denboraldiko azken programaren protagonista
N. V. | EITB Media
Israeldar biolin eta biola jotzaileak Bartoken "Biolarako kontzertua", "Lohengrin" Wagnerren operaren lehen ekitaldia eta Elgarren "1. Sinfonia" joko du, Robert Treviñok zuzenduta.
Pinchas Zukerman biola eta biolin jotzailea. Argazkia: Cheryl Mazak.
Ekainaren 2tik 8ra, Euskadiko Orkestrak Elgar + Bartok / Wagner programa taularatuko du, denboraldiko azkenekoa, Robert Treviñok zuzenduta eta Pinchas Zukerman israeldar biola eta biolin jotzailearen laguntzaz.
Ostegun eta ostiralean, ekainak 2 eta 3, Donostiako Kursaal Auditoriumean izango dira kontzertuak; astelehenean, ekainak 6, Iruñeko Baluarte Auditoriumean; asteartean, ekainak 7, Gasteizko Principal Antzokian; eta asteazkenean, ekainak 8, Bilboko Euskalduna Jauregian. Kontzertu guztiak 19:30ean izango dira.
Bartoken Biolarako kontzertuarekin batera, Erromantizismoan sakon errotutako bi obra interpretatuko dituzte Euskadiko Orkestrak eta Zukermanek: Richard Wagnerren Lohengrin operaren lehen ekitaldiko 'Preludioa' eta Edward Elgarren 1. Sinfonia.
Sarrerak salgai daude Euskadiko Orkestraren webgunean, baita auditorioen webgune eta leihatiletan ere, 10 eurotik 35 eurora.