Ekainak 15-17
Azkena Rock Festivalek The Soundtrack of Our Livesen itzulera batu du kartelera
N. V. | EITB Media
Suediar taldeak ostiralean, ekainak 16, joko du Gasteizko jaialdian. Mendizabalan egongo dira, halaber, Amanda Shires eta Billy Childish, baita dagoeneko iragarrita zeuden hainbat artista handi, hala nola Rancid, Incubus, The Pretenders, Iggy Pop, Melvins, Alter Bridge, El Drogas…
Social Distortion, 2022ko Azkena Rock Fest jaialdian. Argazkia: Paco Poyato.
Azkena Rock Festival jaialdiak ekainaren 15, 16 eta 17an Mendizabalan egingo den bere 21. edizioaren kartela argitzen jarraitzen du.
Gaur iragarritako taldeen artean, The Soundtrack of Our Lives hamar urteko geldialdiaren ondoren bueltan den taldea nabarmentzen da.
Gainera, Trashville gunean, kontzertu aretoen giroa jasotzen duen esparruan, garage, surf eta rockabillya entzungo da, hauen eskutik: Billy Childish, The Kaisers, Steel Beans eta The Reverend Peyton's Big Damn Band.
Karpan, hauek ere joko dute: King Salami And The Cumberland Three, Hola Ghost danimarkarrek, Los Tiki Phantoms katalanek eta Nestter Donuts multinstrumentistak.
Mendizabalan egongo dira, gainera, Amanda Shires eta Cordovas, eta Andre Maria Zuriaren plazako doako kontzertuetako bat Chuck Prophet musikariak emango du, larunbat eguerdian, The Mission Express taldeak lagunduta.
Horrez gain, antolatzaileen hitzetan, talde eta bakarlari asko gelditzen dira oraindik iragartzeko.
Jaialdirako sarrerak salgai daude oraindik: 155 euroan hiru egunetako bonua eta 50 (osteguna) eta 70 euroan (ostiraleko edo larunbateko sarrera) eguneko sarrerak. 14 urtekoak eta adin horretatik beherakoak doan sartu ahalko dira jaialdiaren eremura, eta 15 eta 23 urte artekoek Bonu Gaztea izango dute aukeran, 100 euroan.
Honela gelditzen da kartela:
Ekainak 15, osteguna
RANCID
EL DROGAS (BARRICADA – 40º) – STEVE EARLE
LIHER – LYDIA LUNCH RETROVIRUS
MONSTER MAGNET – OS MUTANTES
Trashville: THE KAISERS – NESTTER DONUTS
Ekainak, 16, ostirala
THE PRETENDERS – INCUBUS
BONES OF MINERVA – CALEXICO – CORDOVAS
EARTHLESS – THE GUAPOS – GWAR
MATCHBOX – PASADENA – S8NT ELEKTRIC
THE SOUNDTRACK OF OUR LIVES
THE UNDERTONES
Trashville: HOLA GHOST – THE REVEREND PEYTON'S BIG DAMN BAND – LOS TIKI PHANTOMS
Ekainak 17, larunbata
IGGY POP – LUCINDA WILLIAMS
ALTER BRIDGE – THE BEVIS FROND
BRIGADE LOCO – EZPALAK
JIM JONES ALL STARS – LUCERO
MELVINS – THE NUDE PARTY
ANA POPOVIC – AMANDA SHIRES
NAT SIMONS & CHERIE CURRIE
Trashville: WILD BILLY CHILDISH & CTMF – KING SALAMI AND THE CUMBERLAND THREE – STEEL BEANS
Andre Maria Zuria: CHUCK PROPHET & THE MISSION EXPRESS