Bira
Anarik eta Belakok bira egingo dute elkarrekin
N. V. | EITB Media
Bost kontzertu egingo dituzte Azkoitiako kantautorearen taldeak eta mungiarrek, abenduan eta urtarrilean, Iruñean, Bilbon, Donostian, Gernikan eta Gasteizen.
Cris Lizarraga (Belako), EHZ jaialdian
Anari kantautore azkoitiarrak eta Belako talde mungiarrak bira egingo dute elkarrekin: bost kontzertu egingo dituzte, abenduan eta urtarrilean, Euskal Herrian.
Biraren lehenbiziko emanaldia abenduaren 5ean izango da, Iruñeko Zentral aretoan; abenduaren 19an, Bilboko Kafe Antzokian arituko dira, abenduaren 27an, Donostiako Intxaurrondo Kultur Etxean, urtarrilaren 4an Gernikako Astran eta urtarrilaren 5ean Gasteizko Jimmy Jazz aretoan. Sarrerak salgai daude.
Anarik 'Giza zarata' zazpigarren diskoa aurkezten jarraituko du emanaldiotan, zortzi urtez diskorik argitaratu gabe igaro ondoren, eta Belakok, berriz, 'Sigo regando' azken diskoaren etxeko bira amaitu eta, ondoren, Europan jardungo du.