Hirugarren kontzertua
Zetakek hirugarren kontzertu bat egingo du Donostian, irailaren 7an
N. V. | EITB Media
Irailaren 5eko eta 6ko emanaldietarako txartelak ziztu bizian saldu eta gero, Pello Reparaz buru duen taldea igandean ere Illunben arituko dela iragarri dute.
Pello Reparaz
Asteburuan Iruñean "Mitoaroa" ikuskizuna arrakasta handiz taularatu eta Donostian irailaren 5erako eta 6rako iragarritako bi kontzertuen sarrerak ordu gutxiren buruan saldu eta gero, Zetak taldeak hirugarren kontzertu bat iragarri du Illunben. Irailaren 7an izango da, igandearekin, eta sarrerak salgai daude dagoeneko.
Sarreren prezioa 60,44 (pista) eta 54,94 (harmaila) eurokoa da.
Pello Reparaz taldearen buruak aurreratu du Aaztiyen diskoaren bira amaitutzat emango duen kontzertu hirukoitza ez dela Iruñekoak bezalakoa izango, nahiz eta horiek ere inauteriak izango dituzten ardatz.
Ikusi "Mitoaroa", osorik:
Your browser doesn't support HTML5 video.