Mayumanák Arriagan emango ditu Gabonak

Perkusioaren mundutik artea egin duen taldea, Mayumaná, Bilbon izango da abenduaren 22tik 30era, "Racconto" ikuskizuna aurkezten. 15 urte daramatzate agertoki gainean eta ikuskizun honek Andreu Buenafuenteren kolaborazioa du.

Israelgo taldeak arrakasta handia lortu du mundu osoan eta "Racconto" Estatuan ikusi daiteke lehen aldiz. Cartagenan hasi ziren urrian eta Gabonetan Bilboko Arriagan izango dira.

Taldearen jatorrietatik hasi eta gaur egunera bidaia proposatzen du ikuskizunak. "Momentun" edo "B. Juntos" ikuskizunen zatiak biltzen ditu, zati berriak sartuz. Teknologiak toki berezia du "Racconto" ikuskizunean.

Andreu Buenafuentek istorioan parte hartzen du, kontatzaile moduan, hebreeretik itzultzen lagundu du eta ikuskizunean proiektatzen diren bideoetan parte hartzen du, ikuskizunari umorea eskainiz. Dantza, zuzeneko musika eta dantza ere daude ikuskizunean.

Ehun partaide baino gehiago du konpainiak eta bi ikuskizun dute aldi berean munduan biraka. 15 urteko ibilbidea dute eta zazpi milioi ikusle baino gehiagok ikusi dute mundu osoan zehar eta 2010ean Broadwayn izan ziren bi hilabetez.