Ezbeharra
Xabier Erauskin aktorea hil da, auto istripuz
eitb.eus
Goizaldean jazo da ezbeharra, GI-2133 errepidean. Autoa errepidetik atera da eta lantegi baten kanpoko hormaren aurka talka egin du. Gidaria harrapatuta geratuta.
Your browser doesn’t support HTML5 video
Xabier Erauskin aktorea da gaur, larunbata, Zaldibian (Gipuzkoa) izandako auto-istripuan hildako laguna, EiTBk jakin ahal izan duenez.
Erauskin aktore euskalduna zen, ezaguna ETBko Goenkalen, Jaiak, Hasiberriak… saioetan, besteak beste, agertzeagatik. Zaldibian jaio zen 1969. urtean (46 urte) eta herri gipuzkoarreko bizilaguna zen.
Goizaldeko ordu batean izan da ezbeharra, GI-2133 errepidean. Alegiarako noranzkoan zihoan Seat Ibiza autoa errepidetik atera da, eta lantegi baten kanpoko hormaren aurka egin du talka. Kolpearen ondorioz, autoaren gidaria eta bidaiari bakarra, autoaren barruan harrapatuta geratu da.
Bertaratu diren larrialdi zerbitzuek artatu egin dute, eta suhiltzaileek autotik ateratzea lortu dute. Anbulantzian eraman dute zauritua Donostia Erietxera, baina handik ordu batzuetara hil egin da.
ra hil egin da.