El Sol jaialdiak Gabonetako Loteriaren iragarkia saritu du berriro

Madrilgo Leo Burnett publizitate-agentziak egindako 'Justino' Gabonetako Loteriaren iragarkia saritu du El Sol Publizitate-Komunikazioaren Jaialdi Iberoamerikarrak. Bigarren urtez jarraian, golardo nagusia eman dio publizitate-jaialdi horrek Gabonetako Loteriaren iragarkiari. Gainera, lehen aldia da animazio-istorio batek sari handia jasotzen duela.

Bestalde, El Sol Platino saria eta Berrikuntzaren Golardo Handia eman dizkiote 'Safety Truck' iragarkiari, Argentinako Leo Burnett agentziak Samsung enpresarako egindakoa, hain zuzen ere.

Jaialdi horren sari-banaketa egin dute larunbat honetan Bilboko Euskalduna Jauregian. Aurkeztutako lanen kalitatea azpimarratu epaimahaikideek. Hala eta guztiz ere, bost sari handi baino ez eman dituzte, eta beste zortzi ataletako sariak eman gabe utzi, hala nola, kanpaina integratua, digitala, mugikorra, irratia, harreman publikoak, komunikabideak, promoziozko marketinga eta zuzeneko marketinga.

Gainera, Gas Natural Fenosarentzat Santiago Segurak zuzendutako 'Kontsumo arduratsua' iragarkiak Marka-Eduki Sari Handia jaso du. FCB Brasilek Nivearentzako egindako kartel batek kanpo-publizitateko atalean irabazi du, eta The Community enpresak Buenos Aires hiriko Gobernurako egindako kanpaina irabazle atera da aldizkari eta egunkari sailean.

unkari sailean.unkari sailean.