“Los esclavos felices”
Bieitok Arriaga musikariaren omenezko ikuskizun batekin debutatuko du
Agentziak | Erredakzioa
Arriaga antzokiko zuzendari artistikoak Juan Crisostomo Arriaga musikariari buruzko bi eguneko ikuskizuna prestatu du, urtarrilaren 27 eta 28rako. Bizitzari buruzko hausnarketa da.
Bizitzari buruzko hausnarketa da "Los esclavos felices"
Calixto Bieito Arriaga antzokiko zuzendari artistikoak “Los esclavos felices” ikuskizunarekin egingo du debuta Bilboko espazio horretan. Juan Crisostomo Arriaga musikariari eginiko omenaldia da ikuskizuna, “bizitzaren absurdoaren” inguruko hausnarketa plazaratzen duena.
Bieitok asmatutako ikuskizuna bi egunetan gauzatuko dute, ostiralean, hilak 27, eta larunbatean. Lehenengo jardunaldian hiru hari laukotek hartuko dute parte, eta Arriagaren lanak joko dituzte, antzokiko hainbat aretotan. Espazio horietan, kartoi zuriko kutxa batzuk paratuko dituzte, Sarah Derendinger artistak bertan irudiak proiekta eta mezuak idatz ditzan.
Larunbatean, hilak 28, Arriagaren lan sinfoniko eta bokalen errepresentazioa egingo dute, antzokiko agertokian, besteak beste Marta Ubieta eta Naroa Intxausti euskal sopranoek.
Bi abeslariek Bilboko Abesbatzako gizon korua eta Bilboko Orkestra Sinfonikoko musikariak izango dituzte lagun.
Calixto Bieitok Arriaga miresten duela adierazi du, eta “emozio piloa transmititzen zituen konposatzaile itzela” izan zela erantsi. “Los esclavos felices” izenburuak Goethe aleman poeta erromantikoaren esaldi bat du oinarri, Bieitok azaldu duenez: “Ez dago esklabo handiagorik, ez izanda ere bere burua libretzat duen hori baino”.