Hegoafrikako doinuak, Getxon, Ladysmith Black Mambazorekin

Ladysmith Black Mambazok Hegoafrikako doinuak eta gospel erritmoak ekarriko ditu Getxora, larunbatean, Folk Getxo 2010 jaialdiko beste egun batean. Kontzertu hori 20:30ean hasiko da, Areetako Geltokia plazan; horrez gain, La Bruja Gata (19:00etan) eta La Selva Sur (22:30ean) ere egongo dira irailaren 11n, Erromoko Santa Eugenia plazan. Azken bi horiek fusio musika eskainiko diete zale guztiei.

1960ko hamarkadan sortua izan zenetik, Ladysmith Black Mambazo-k Hego Afrikako musika tradizionalaren erritmoa nahaspilatuak eta armoniak gospel musikaren soinuekin eta sentimenduekin nahastu ditu. Emaitza mundu osoko publikoa hunkitu duen alkimia musikala eta espirituala da, paisaia erlijioso, kultural eta etnikoaren txoko bakoitza irudikatuz. Musika industriak laudatu eta babestu dituzte aurreko lau hamarkadetan egindako esfortzu musikalak, baina horrez gain, kontuan hartu beharreko kultur indar gisako euren nortasuna sendotu dute.

La Bruja Gata seikoteari dagokionez, musika akustikoa jorratzen du, batez ere instrumentala eta folk doinuetan oinarrituta. Taldeak bere errepertorio propioa konposatzeko apustua egin du geografia-esparru zehatzari atxikitzeari uko egin diote. Eragin zeltak, Gaztelakoak, klezmer eta ganbera-musika batera aritzen dira minimalismoarekin eta egile-abestiarekin batera, taldeko ideietan. Horiek guztiak, orain arte, kritikak bereziki laudatu dituen bi lanetan garatzen dira: "Manual de pociones" (2001) eta "Baile de libélulas" (2004).

Azkenik, La Selva Sur talde sevillarra instrumentu aldetik oparoa eta eszenatokietan eginiko ibilbide luzea du bere baitan, eta uste osoa du izaera propioa eta zigilu pertsonala ezartzen dioten genero ireki eta zehaztu gabekoak dituen aukeretan eta horretan ikertzen du.

Bestelako jarduerak

Ohi denez, kontzertuak ez ezik, Folk Getxo BBK jaialdian jendeak Bidezko Merkatua bisitatu ahal izango du. Bidezko Merkatua Iparraren eta Hegoaren arteko bidezko merkataritza sustatzen duen ekimena da, zenbait GKErekin batera antolatzen dena. Bestalde, hainbat herrialdetako artisautzako produktuak Munduko Merkatura itzuliko dira, Koan Elkartearen lanari esker. Halaber, aurten ere beste kultura eta herrialde batzuetako gastronomia ere dastatzeko beta izango dugu Munduko Terrazan, Euskadiko Munduko Medikuak erakundearen eskutik. Horiez gain, kale-bandek desfile handi bat egingo dute Bizkaia Zubian hasita, 19:00etatik aurrera. Horretan Bavariako Stadtkapelle Starnberg, Eskoziako Stow Pipe Band, Asturiaseko Ciudad Cangas de Onís gaita banda, Salamancaco Asociación Surco-Botón Charro, Getxoko Agurra Dantza Taldea eta Areetako Andrés Isasi Musika Eskolako fanfarrea ariko dira.