Santa Maria katedrala kulturako irekitzeko eguna atzeratu dute

Gasteizko katedralak kulturako irekitzeko eguna atzeratu du. Apirilaren 29rako zeukaten aurreikusita, Gasteizko elizbarrutiaren 150. urteurrenarekin bat egiteko, baina tenplu gotikoaren zaharberritze lanak atzeratu egin dira.

Juan Ignacio Lasagabaster Santa Maria Katedrala Fundazioko gerenteak azaldu duenez, Gasteizko gotzaindegiari jakinarazi diote ezinezkoa izango dela adostutako data betetzea, kulturako irekierari dagokionean. Ez du data konkreturik eman, baina 2012an izango dela bermatu du.

Arabako diputatu nagusiak katedralaren zaharberritze lanak bisitatzeko gonbita egin du eta 2012an tenplu gotikoaren zaharberritze prozesuan urte garrantzitsua izango dela azaldu du. Katedralaren gangak nola egiten diren ("XX. mendean horrelakorik ikustea oso zaila da", esan du) ikusteko aukera ezinhobea omen dago.

Gainera, datorren asteetan erdiko zutabeak mantentzen dituen metalezko egitura kenduko dute. Errefortzuak egin ostean, erdiko zutabeak beraien kabuz mantentzen dira eta De Andresen ustez, oso interesgarria da.