Heriotza
Francisco Ibañez komikigilea zendu da, 'Mortadelo y Filemón' pertsonaien sortzailea
Agentziak | EITB Media
Marrazkilaria, espainiar komikigintzako figura garrantzitsuenetako bat, larunbat honetan hil da, 87 urte zituela.
Francisco Ibañez autorea. Artxiboko argazkia: EFE
Francisco Ibañez komikigile eta marrazkilaria, 'Mortadelo y Filemón' komikiaren sortzailea, hil da larunbat goizean, 87 urte zituela.
Penguin Random House argitaletxeak txio batean deitoratu du haren heriotza, eta Ibañez "espainiar komikigintzako figurarik garrantzitsuena" dela aldarrikatu du.
"Bere argitasunaren, umorearen eta irakurle asko zoriontsu egin dituzten pertsonaia gogoangarrien ondare izugarria utzi digu, 50.000 orrialde baino gehiagotan", gaineratu du.
Con enorme tristeza desde Penguin Random House Grupo Editorial comunicamos que esta mañana ha fallecido en Barcelona el gran dibujante e historietista Francisco Ibáñez. + pic.twitter.com/Fr9N1hm25R
— Penguin España ¿¿ (@penguinlibros) July 15, 2023