Arkeologia
Duela 12.000 urteko hondakinak aurkitu dituzte Santimamiñen
Santimamiñeko kobazuloetan lanean ari diren arkeologoek su baten hondarrak aurkitu dituzte eta bertan erretzen zituzten animaliren ehunka hezur.
Santimamiñeko lanen irudia. Argazkia: EITB
Santimamiñeko kobazuloak lanean ari diren arkeologoek oso ondo zaindutako hondarrak aurkitu dituzte, duela 12.000 urtetakoak. Barrunbeko gelan aurkitu dituzte, zuloko barnealdean. Su baten hondarrak aurkitu dituzte eta bertan erretzen zituzten animaliren ehunka hezur.
Santimamiñeren sekretuak ezagutzen jarraitzen dugu. Garai hartan Urdaibaiko bihotzean bizi ziren gizonen eta emakumeen zerbait gehiago dakigu.
Juan Carlos López Quintanak zuzentzen zuen arkeologo taldeak gezuzaz-geruza ikertzen du giza-aztarnen bila eta gela batean orban ilun bat aurkitu dute, erretako egurrekin.
Sua erdian dago eta bertan, dirudienez, zituzten elikagai baliabideak prozesatzen eta sukaldatzen zituzten. Orein, ahuntz, bisonte, uro, orkatz, izokin eta magurio eta itsas triku hondarrak aurkitu omen dituzte.
Bederatzi urtez lanean dabiltza, Bizkaiko Foru Aldundiak finantzatutako kanpainetan. 10.000 elikagai eta ehiza lanabes baino gehiago sailkatu dituzte.
Aurkitu duten hondakinen arabera, Goi Paleolitikoko ehiztariak eta biltzaileak ziren eta gaur egun baino 10 edo 15 gradu gutxiago zituzten. Santimamiñen duela 12.000 urte bizi ziren arbasoen datuei buruzko datu gehiago jaso ditugu.