Zinemaldiaren 72. ediziorako sarrerak salgai daude

Salgai daude jada Zinemaldiko sarrerak. Goizeko bederatzietan jarri dituzte lehen hiru egunetarako sarrerak; hau da, ostiraleko, larunbateko eta igandeko sarrerak.

Modu mailakatuan egingo da sarreran salmenta. Horrela, astelehenean, hilaren 16an, hurrengo astelehenerako (irailak 23), astearterako (irailak 24) eta asteazkenerako (irailak 25) sarrerak erosi ahalko dira, aurreko jardunaldietarako eskuragarri geratzen diren sarrerez gain; eta, azkenik, asteartean jarriko dira salgai hurrengo asteko ostegun, ostiral eta larunbaterako sarrerak, baita gainerako saioetarakoak ere.

Zinemaldi Plazan —Kursaaleko beheko solairuan—, leihatilan eta Zinemaldiko eta Kutxabankeko webguneetan eros daitezke sarrerak.

Programazioa eskuragarri dago jada. Filmez film gidaliburua, berriz, Zinemaldiak Tabakaleran duen bulegoan eta Kursaaleko informazio gunean eskura daiteke.