Kluba
Tick kluba, deskontuak urte osoan
100 kultur eragile eta aretok bat egin dute jada klubarekin eta orain, Tick Txartela eskuratuko duten bazkideak erakarri nahi dituzte.
Duela hilabete eskas abian jarritako Tick Kulturzaleen klubak, kultur ekimenak sustatzeko ahaleginarekin jarraitzen du. 100 kultur eragile eta aretok bat egin dute jada klubarekin eta orain, Tick Txartela eskuratuko duten bazkideak erakarri nahi dituzte.
Urte osoan zehar abantaila eta beherapenak eskaintzen dituen Tick Txartel hori gainera, Eusko Jaurlaritzaren Kultur Bonoarekin trukatzeko aukera berezia eskainiko dute.
Gabonetan kultura kontsumoa sustatzeko Eusko Jaurlaritzak martxan jartzen duen kultura bonoa 25 eurotan eskuratu eta 52 euroko balioa duen Tick Txartelagatik trukatu ahal izango da. Horrela, urte osoan zehar kultur ekitaldietarako beherapenak eta eskaintza bereziak jaso ahal izango dira. Tick aldizkaria eta opari berezia ere eskuratuko dira. Saioa Torre, Tick-eko musika arduraduna.
Kulturtick.com webgunean azaltzen diren Euskal Herri osoko 30 bat dendatan egin ahal izango da trukaketa. Musika jaialdi, zine areto, antzoki edo ta eragile pribatuekin lortutako akordioei esker, Tick Kulturzaleen Klubak berrehun eskaintza baino gehiago jarri ditu bazkideen esku. Ekimen batzuk gainera soilik bazkideentzat antolatu dira.