Kartelera
'Los Miserables' eta 'Woody Allen', Gabonetako estreinaldi nagusiak
Erredakzioa
'Más allá de las colinas', ezinezko amodio istorioa, eta Rich Mooren ¡Rompe Ralph! animaziozko lehen lana ere aste honetako kartelerako nobedadeak dira.
Your browser doesn’t support HTML5 video
Urteko pelikularik garrantzitsuenetako bat da Tom Hooperrek zuzendutako Los Miserables lana. Filmak Hugh Jackman, Russel Crowe eta Anne Hathaway aktoreak ditu protagonista. Horrez gain, Mas alla de las colinas drama errumaniarra eta ¡Rompe Ralph! animaziozko filmak ere kartelerara iritsi dira.
Los Miserables
Victor Hugoren ipuin epikoaren bertsioa XIX. Mendeko Frantzian kokatzen da eta amets galduei, amodioari, pasioari, sakrifizioari eta erredentzioari buruzko istorio bat da. Baldintzapeko askatasuna urratu ostean, Javert poliziak urtetan (Russell Crowe) jazarri duen Jean Valjean preso ohia da Hugh Jackman. Valjean Fantinen (Anne Hathaway) alaba gaztea zaintzea onartzen duenez, euren bizitzak betirako aldatuko dira.
Mas alla de las colinas
Cristian Mungiuk zuzendutako filmak giro oso erlijiosoan bizi diren bi gazteen arteko ezinezko amodio istorio bat kontatzen du.
Tatiana Niculescu Bran idazlearen eleberrian oinarritua, pelikulak arrakasta handia izan zuen Canneseko Zinemaldian eta gidoi onenaren eta aktore onenaren sariak eraman zituen.
¡Rompe Ralph!
Rich Moore ("Los Simpson") zuzendariaren lehen animaziozko filma da eta umeentzako 3Dko abentura bat da. Bideojokoaren gaizkileak heoria izan nahi duela kontatzen du filmak.
Jose Coronado, Karra Elejalde, Carlos Bardem, Fernando Guillen Cuervo eta Alex de la Iglesia aktoreek egin dituzte bikoizketak.
Woody Allen: el documental
Robert B. Weidek zuzendua, dokumentalak Woody Allen zinemagilearen lana deskribatzen duten hainbat lagun agertuko dira.
Penelope Cruz, Scarlett Johansson, Diane Keaton, Naomi Watts eta Sean Penn aktoreak eta Martin Scorsese zuzendariak, besteak beste, Hallen omenaldi berezia egin diote.