6. edizioa
Dock Of The Bay jaialdia Donostiara itzuliko da
Erredakzioa
Ekimenak urtarrilaren 7tik 13ra egingo dute eta musika dokumentalen zinemaren nazioarteko jaialdia bihurtu nahi du.
Dock Of The Bay jaialdiaren kartela.
Dock Of The Bay jaialdiaren seigarren edizioa egingo dute 2013ko urtarrilaren 7tik 13ra, Donostian. Ekimenak, gainera, musika dokumentalen zinemaren nazioarteko jaialdia bihurtu nahi du. Estatuko eta nazioarteko hamaika film lehiatuko dira eta beste bost erakutsiko dira, Trueba zinema aretoetan eta Antzoki Zaharrean.
Zine emanaldi horiez gain, kontzertuak egingo dira bi eszenatoki horietan. Gainera, argazki erakusketa bat egingo dute eta emanaldiak eskainiko dituzte dira Forum Fnac gunean eta hiriko hainbat kultur zentrotan.
Dock Of The Bay QUALIAren ekimen bat da eta Donostian musika dokumentalen zinema eskaintzeko helburua du. Jaialadiak Donostiako Udalaren eta Gipuzkoako Foru Aldundiaren babesa du eta hiriko taldeek eta programatzaileek parte hartzen dute.
Dock Of The Bay nazioarteko jaialdia bihurtu da 2013an, genero mota horretan estatuko eta nazioarteko erreferente izateko asmoz. Hori dela eta, edizio honetan, hainbat film lehen aldiz emango dira jaialdian, horien zuzendariak eta teknikari taldeak aurkeztuko dituzte.
Dock Of The Bay jarraitzaile gehien dituen kultura gertakarietako bat bihurtu da Donostian, bai zine eskaintzagatik bai jaialdiaren inguruan antolatzen diren jarduerengatik.