Pilar Bardem eta Rosa Maria Sarda aktoreak, Hollywoodekin lehian

Pilar Bardem, Rosa Maria Sarda eta Mariana Cordero aktoreak protagonista dituen filma da La vida empieza hoy. Hirugarren adineko jende multzo bat sexuari buruzko klase batzuetara doa. Bertan batzuk besteetatik ikasiko dute eta haien esperientziei buruz hitz egin. Adin horretako desioak eta kezkak umorearekin eta hunkigarritasunarekin nahastuko dira. Laura Mañak zuzendutako filmea dugu.

Io, Don Giovanni, Mozarten opera ezagunenetarikoa, zinema-aretoetako pantaila handira heltzen zaigu Carlos Saura zuzendari espainiarraren eskutik. Lorenzo Da Ponte idazle eta apaiz ohiaren istorioa du hizpide. Elizaren aurkako bertso batzuk iatzi ondoren, Vienara erbestaratuko dute. Bertan, Mozart musikagile gaztea ezagutuko du eta biak batera, garaiko konposizio musikala ezezagunetarikoa sortuko dute.

Robin Wright Penn eta Alan Arkin aktoreek La vida privada de Pippa Lee drama erromantikoa ekarriko dute ostiral honetan. Pippa Leek ametsetako bizitza du. Bat-batean bere iragana gogora ekarriko dion gazte bat ezagutuko du. Honek bere bizitza hankaz gora jarriko du. Aktore zerrendan Keanu Reeves, Winona Ryder, Blake Lively eta Julianne Moore, besteak beste, aurki ditzakegu.

Komediara itzuli da Brendan Fraser, Roger Kumblek zuzendutako En pata de guerra familia osorako film dibertigarria. Haserre bizian dauden animali multzo bati aurre egin beharko dio Fraserrek. Izan ere, animali hauen etxebizitzei kalte handiak eragin die Fraserrek eraikitako urbanizazioak.

Un funeral a la cabeza zintan Chris Rock dugu protagonista. Frank Oz zuzendariaren pelikularen bertsio berria da. Bere aitaren hileta egunean, familiaren ospea mantentzen saiatu beharko da Aaron. Rockekin batera, Martin Lawrence, Danny Glover, Regina Hall eta Peter Dinklage izango dira.

Hiru dimentsiotan eta bereizmen handiko formatuan grabatutako lehenengo beldurrezko filmea dugu Scar 3D. Jed Weintrobek zuzenduta, Ángela Bettisek y Kirby Bliss Blantonek interpretatuko dituzte pelikularen pertsonaiak. Duela hamar urte, Ernie Bishopen hilketek Coloradoko herri bat astindu zuten. Gaur eguneko gertakari batzuek gaurkotasuna emango diote kondaira odoltsu honi.

Birgit Minichmayr austriarra eta Lars Eidinger aleman aktorea Entre nosotros filmaren pertsonai nagusiak dira. Bikoteak elkarbizitzan izan dituen arazoak ditu hizpide. Maren Adek zuzentzen du drama hau.

Catherine Deneuve, Émilie Dequenne y Michel Blanc aktoreak ditu protagonista La chica del tren filmak. Ama eta alaba baten istorioa kontatzen ditu pelikulak. Haren bizitza Frantziako historian albisterik politizatuenetarikoa bihurtu zen.

Amodiozko komediak Anand Tucker zuzendari tailandarraren eskutik datorkigu. Tenías que ser tú filmak amodioara heltzeko bide bitxiak erakusten digu. Amy Adams eta Matthew Goode ditu protagonista.

Steve ''Lips'' Kudlow eta Robb Reiner musikariei buruzko dokumentala da Anvil, el sueño de una banda de rock. Metal in Metal diskarekin arrakasta itzela lortu zuten baina urteen poderioz, eszenatokitik desagertu egin ziren.