Irabaziak
'Toy Story 3': animaziozko film arrakastatsuena
Erredakzioa
Disney etxearen pelikulak 940 milioi dolarreko irabaziak izan ditu eta 'Shrek 2' gainditu du.
Toy Story 3 historiako film arrakastatsuena, animaziozko lanei dagokionean. Duela bi hilabete estreinatu zuten Estatu Batuetan eta 940 milioi dolarreko irabaziak (732 milioi euro)&' || 'nbsp;izan ditu mundu osoan zehar, Shrek 2ren marka hautsiz.
Halere, inflazioa kontuan hartzen bada, Edurnezuri eta zazpi ipotxak da, oraindik ere, diru gehien bildu zuena, izan ere, 1937an 184 milioi dolarreko irabaziak jaso zituen, soilik Estatu Batuetan. XXI. mendeko sarreren prezioak eta 3 dimentsiotako teknologiaren sarrerak bidea erraztu du, Toy Storyren hirugarren filmak marka hautsi dezan.
Lee Unkrichek zuzendutako filmak 200 milioi dolarreko aurrekontua izan zuen (156 milioi euro) eta Toy Story 3k nazioarteko kritikaren babesa jaso du eta, dirudienez, ez dio kalterik egin aurreko filma duela 11 urte estreinatu izana.
Disneyk goreneko tokia berreskuratu du horrela, Steven Spielbergek Dreamworksekin, eta Shrek sagari esker, leku hori kendu ostean.
Shreken bigarrena zen, orain arte, animaziozko film arrakastatsuena, 2004an 919 milioi dolar eskuratu baitzituen eta Estatu Batuetan buru da oraindik.