'Balada triste de trompeta' Torontoko zinemaldian izango da

Torontoko zinemaldiak Alex de la Iglesiaren Balada triste de trompeta, Iciar Bollainen También la lluvia, Rodrigo Cortesen Buried (Enterrado) eta Jose Luis Guerinen Guest proiektatuko ditu.

Kanadako hirian ospatuko dute zinemaldia, irailaren 9tik 19ra:&' || 'nbsp;bertan ez dago lehiaketarik, baina azken urteotan ospe handia hartu du merkatuari dagokionez eta Oscarretara begirako lehen barometroa omen da, askoren ustez.

35. edizioa ospatuko dute aurten eta programazio osoa argitu ez duten arren, Espainiako izenburu batzuk sartu dituzte atal ezberdinetan. Alex de la Iglesiaren Balada triste de trompeta (Venecian ere izango da) sesio berezietan sartu dutela iragarri zuten atzo.

Iciar ollainen También la lluvia ere Contemporary World Cinema atalean sartu dute. Luis Tosar eta Gael Garcia Bernal dira protagonistak:&' || 'nbsp;Colonen figura eta Latinoamerikako indigenen arteko erlazio aztertzen du, ikuspuntu garaikide batetik. Bolivian izan zen filmazioa eta Paul Lavertyk, Ken Loachen ohiko gidoilaria eta Te doy mis ojosen zuzendariaren bikoteak, idatzi du. Gainera, Alberto Iglesiasen soinu banda du.

Rodrigo Cortesen Buried (Enterrado) filmaren presentzia konfirmatua zegoen uztailetik:&' || 'nbsp;estreinaldi arrakastatsua prestatzen ari dira, 8.000 kopiako banaketarekin -horietatik, 4.000 Estatu Batuetan- eta lehen pausua Toronton egingo dute. yan Reynolds du protagonista eta zerraldo batean giltzaperatuta dagoen pertsona baten istorioa da.&' || 'nbsp;

Azkenik, Jose Luis Guerinen Guest ere Toronton izango da, Versus Entertainment banaketa-enpresak azaldu duenez. Donostian eta Venecian izango da Guerinen filma:&' || 'nbsp;azken horretako Orizzonti sailan izango da.

Espainiako film horiez gain, Alejandro Gonzalez Iñarrituren Biutiful (Bardemi Cannesen interpretazio onenari saria eman ziona) edota Woody Allenen, Clint Eastwooden, Danny Boyleren, John Saylesen edota John Carpenterren presentzia ere konfirmatu dute.