Filmatzea
500 estraren bila ari dira Gipuzkoan, Rodrigo Sorogoyenen hurrengo filmerako
Agentziak | Erredakzioa
Madrildar zuzendariak 500 pertsona hautatuko ditu irailean Irunen eta Donostian egingo dituen castingetan. Gainera, bere azken filma Donostiako Zinemaldiko Sail Ofizialean aurkeztuko du.
Irunen eta Donostian egingo ditu castingak Rodrigo Sorogoyenek
Rodrigo Sorogoyen zuzendariak (“Que Dios nos perdone”, “El Reino”…) 16 urtetik gorako 500 estra bilatuko ditu Donostian eta Irunen, bere hurrengo filmerako. Hautatuek urrian egun batez edo gehiagoz lan egitea da asmoa.
A Primera Figuración zinemarako kontratazio artistikoak egiteaz arduratzen den enpresak aurreratu duenez, hautagaien datu eta argazkiak hartuko dituzte castingetan, Aitana Irungo hotelean irailaren 20an eta Donostiako Aula Forumen irailaren 21 eta 22an.
Filma urri eta azaroan filmatuko dute, eta bostehun estra behar dituzte egun batez edo gehiagoz lan egiteko.