Uztailaren 1ean estreinatuko dute 'Valeria descalza'

Uztailaren 1ean iritsiko da Zinama aretoetaraValeria descalza pelikula. Zinebi jaialdiko zuzendari den Ernesto del Riok zuzenduta, Gabriela Griffith, Aitor Mazo, Maiken Beitia, Ruben Breña eta Giselda Calero izan ditu aktore. Sendeja Films / Icaic-en produkzio hispaniar-kubatar bat da eta Euskal Telebistaren partaidetza eta Eusko Jaurlaritzaren kolaborazioa izan du.

Hotel y domicilio filmarekin debutatu zuen 1995an Ernesto del Riok eta Euskal Herria eta Kuba artean grabatu duen lan hau bere ibilbideko bigarren luzemetraia izango da. ''Descalza'' abesti ezaguna erabili du istorioaren oinarri gisa.

Aurrestreinaldia egun bat lehenago, ekainaren 30ean, izango da AlhondigaBilbaon, 20:00etan.

Sinopsia

Istorio bat bi hiritan: Bilbo eta La Habana. Bi gizon, bi emakume eta gauza asko azaltzen dituen kanta bat. Hitzak, musika eta behin-behineko zenbait sentimendu. Uharte bat eta bi adin: Salvador, bere bizitzaren amaieran dagoen arkitekto zahar bat. Valeriak, bere hogei urteko alabak, orainaldia intentsitatez bizitzen du Nadia bere lagunarekin batera eta ez du aitarekin zerikusirik eduki nahi. Raul eta Leonor euren erlazioaren amaieraren aurrean daude. Raul, berrogeita piko dituela, Valeria ezagutu berri du eta ezin du burutik kendu. Amodioaren eta bere itxura apetatsuen ingurukoa da filma.