Fant
'Host' Rob Savageren filmak irabazi du Fanteko film luze onenaren saria
Agentziak | Erredakzioa
Zoom plataformaren bidez filmatu zen pelikula, konfinamendu garaian. Euskal film labur onena “MODA” iruditu zaio epaimahaiari.
Itxialdi garaian filmatu dute "Host"
Fant Bilboko Zinemaldi Fantastikoaren 26. edizioko epaimahaiak 'Host' Rob Savage britainiar zinemagilearen filmari eman dio Film Luze Onenaren Saria. Paul Urkijo zuzendariak, Benja de la Rosa zuzendari eta aktoreak eta Mafalda González kazetariak osatu dute epaimahaia.
"Bizi dugun egoera berrira egokitzen jakiteagatik, online izua asmatzeagatik eta egoera pandemikoa ahaztarazten dizun oso film fresko eta dibertigarria sortzeagatik" eman dio saria epaimahaiak. Zoom plataformaren bidez filmatu zen pelikula, etxealdian, eta ouija egitea erabaki duten lagun batzuen istorioa kontatzen du.
Bestade, film laburren atalean, N'cee Van Heerderen 'O.I' lanak irabazi du Film Labur Onenaren Saria, "argumentu originaletik, norabide bikainetik eta interpretazio nabarmenetatik abiatuta, ideien jatorriari buruzko hausnarketa zorrotza eskaintzen duelako".
Euskal Film Labur Onenaren Sariari dagokionez, epaimahaiaren irizpidearen arabera, Imanol Ortizen 'MODA' lanarentzat izan da.
Bestalde, Fant zinemaldiaren aurtengo edizioko publikoak Miguel Llansó-ren 'Jesus Shows You The Way To The Highway' filmari eman dio Sail Ofizialeko Film Luze Onenaren saria. Publikoaren Film Labur Onenaren saria Suso Imbernonen eta Juanjo Moscardó Riusen 'Maldita' lanarentzat izan da.
Bestalde, Panorama saileko epaimahaia osatu duten Alberto Abuin zinema kritikariak, Begoña del Teso kazetariak eta Gorka Aguirre makillaje efektuetan adituak Iñaki Sánchez Arrietaren 'Zero' filmari eman diote Panorama Fantastikoaren Film Luze Onenaren saria, "ikusleak unibertso fantastiko baten barruran sartzen dituen moduagatik".