Animazioa zinema
Afrikara egingo du bidaia aurten Animabasaurik
Erredakzioa
Maiatzaren 26tik 31ra bitartean egingo dute animazioaren Basauriko nazioarteko jaialdiaren zortzigarren edizioa. 'Birdboy' eta 'Zeinek gehiago Iraun' lanak izango dira bertan ikusgai.
Jaialdiaren aurtengo irudia. Argazkia: Animabasauri
Animabasauri-Animabasque Basauriko Nazioarteko Animazioa zinemaldiak zortzigarren edizioa du aurten, eta Afrikako zinematografia izango da bertan protagonista. Maiatzaren 26tik 31ra bitartean izango da aurten hitzordua.
Ohi bezala, film luzeak, film laburrak eta haurrentzako proposamenak izango dira ikusgai. Goya sarien inguruko sail berezian, gainera, Pedro Riveroren Birdboy eta Gregorio Muroren Zeinek gehiago iraun eskainiko dituzte. Tailerrak, hitzaldiak eta erakusketak ere izango dira programan.
Basauriko Sozial Antzokian eta Bas Basozelai egoitzetan zein Guggenheim museoan, Bilboko Fnac saltokian eta Leioako EHUko kanpusean egingo dituzte jarduera hauek guztiak.