Estreinaldiak
'American Reunion' eta 'El sexo de los ángeles', zinema-aretoetan
American Pie filmaren laugarren emanaldiarekin batera, Malagako jaialdian aurkeztutako El sexo de los angeles pelikula estreinatuko dute aste honetan.
Your browser doesn’t support HTML5 video
Jon Hurwitz eta Hayden Schlossbergek zuzendutako filmean, iraganeko oroitzapenak ekarriko dituzte gogora, besteak beste, Jason Biggs, Chris Klein, Mena Suvari, Seann William Scott eta Tara Reid aktoreek. Bertan, beraien bizitzen inguruko balantze bat egingo dute.
Malagako jaialdiak estreinatutako El sexo de los angeles filmeko protagonistak dira, besteak beste, Astrid Bergès-Frisbey, Álvaro Cervantes eta Llorenç González. Carla eta Brunoren historia kontatzen du, eta Rai izeneko gizon batek beraien eskemak nola apurtzen dituen erakusten du.
Johnny Depp eta Hunter S. Thompson Fear and Loathing in Las Vegas filmean aritu ziren elkarrekin lehen aldiz. Gerora, Thompsonen azken eleberria moldatu eta Bruce Robinsonek zuzenduta, Diarios de ron pelikula grabatu dute. Deppek Paul Kemp kazetariaren papera interpretatzen du bertan.
Villa Amalia filmeko zuzendariak gidatu eta Chantal Thomasen liburuan oinarritutako Adios a la Reina filmak Lá Seydoux eta Virginie Ledoyen ditu protagonista.
Berlinalen ikusi eta Abu Dhabin eta Malagan saritutako Wilaya emozioz beteriko pelikula da. Ama hil eta gero, elkarrekin batu diren bi ahizparen arteko harremana kontatzen du.