Zinemetara, 2024an
Andrea Jaurrietak "Nina" pelikula filmatzen bukatu du
N. V. | EITB Media
Nafar zuzendariak Patricia Lopez Arnaiz eta Dario Grandinetti aktoreak protagonista dituen lana filmatuko du Mundakan eta Bermeon.
Patricia Lopez Arnaiz da "Nina" filmaren protagonista
Andrea Jaurrieta zinemagileak "Nina" film luzea, "Ana de día" opera primaren ondorengo lana, filmatzen bukatu du Bermeo eta Mudakan, sei asteko lanaren ondoren.
Pozik, Jaurrietak adierazi du zorionekoa dela "Patricia Lopez Arnaizen eta Dario Grandinettiren indarra eta profesionaltasuna bertatik bertara berretsi ahal izan ditudalako; bi pertsonaia oso zail defendatu dituzte, kosta ahala kosta. Ezusteko handienak Aina Picarolo eta Iñigo Aranburu izan dira. Istorio hau kontatzeko egin duten ahalegin izugarrian eta lan eskergan pentsatuta soilik, hunkitu egiten naiz".
EITBren parte-hartzea duen filma 2024an iritsiko da zinema aretoetara.
Nina (Patricia Lopez Arnaiz) jaioterrira itzuliko da, 45 urterekin, bizitza hondatu zion eta herritarrak erabat alde dituen gizonari mendekua hartzeko. Kostaldeko herrian batuko dira, eta azalera irtengo dira iragana eta Blas, haurtzaroko laguna, mendekua bide bakarra ote den pentsaraziko diona, filmaren sinopsian azaldu dutenez.