Heriotza
Txema Blasco gasteiztar aktorea zendu da
N. V. | EITB Media
Blascok Julio Medem, Juanma Bajo Ulloa, Enrique Urbizu, Pedro Olea, Daniel Calparsoro eta Montxo Armendariz aktoreekin lan egin zuen. 2020an, Urrezko Zeledon saria eman zioten jaioterrian.
Txema Blasco, "Forum" ETBko saioan
Txema Blasco gasteiztar aktorea gaur, ostiralarekin, hil da, 82 urte zituela. 1984an egin zuen debuta pantaila handian, Tasio Montxo Armendariz nafar zuzendariaren pelikulan. Ondoren, euskal zuzendari ospetsuenetako batzuen aginduetara lan egin zuen, nola film laburretan –"ehun baino gehiago" egin zituela esan zuen– hala luzeetan.
Gero, Coja usted el siguiente, Azpiko gona eta Dos en raya film laburretan (Pello Varela) aritu zen, eta, iraupen luzean, Cachito eta Todo por la pastan (Enrique Urbizu), Alas de mariposan (Juanma Bajo Ulloa), Vacas, La ardilla roja eta Tierran (Julio Médem), Salto al vacíon (Daniel Calparsoro), Obaban (Montxo Armendariz)…
Blascok antzerkian –Hermanos Chetti pailazo bikotea sortu zuen– eta telebistan ere egin zuen lan.
Dulantziko auditoriumak haren izena du, eta 2020an Urrezko Zeledon saria eman zioten Gasteizen.