Zinemaldiko hainbat film euskaraz ikusi ahal izango ditugu

Zinemaldiko sail ezberdinetan ikusi ahal izango diren bost film ikusi ahalko dira ondoren Euskadi Zinema euskaraz programaren barruan.

Denbora gutxian estreinatuko dira atxikituak daude Euskadiko 15 zine eta 40 areto ezberdinetan. Zinema euskaraz eskatzen dutenentzat aukera ederra izango da: Freddy igeldegi animazioko pelikula suediarra euskaraz, El hipnotista,To say goodbye, Pura Vida eta El chef komedia frantziarra ikustea.

Horrez gain, streaming bidez eitb.com eta kulturklik.net webguneetan 40 film doan ikusteko aukerak mantenduko dira.

Donostia Zinemaldiko 60. edizioan ikusi ahal izango diren film  hauetaz gain, datozen hilabeteetan Euskadiko zinema-aretoetan beste zenbait film estreinatuko dira euskaraz. Urriaren 11n, Briar March  zuzendariaren "There was once an island" dokumentala estreinatuko da;  urriaren 31n Scott Derrickson zuzendariaren eta Ethan Hawke antzezten  duen "Sinister" beldurrezko pelikulari helduko zaio txanda; eta  azaroaren 31n animaziozko "Zarafa" filma estreinatuko da. 2012. urtea amaitu baino lehen, beste pelikula batzuk gehituko zaizkie aipatutako hauei.

Zinema Euskaraz programaren berrien artean, zinema-aretoetan euskarazko filmak estreinatzeaz gain (gaztelerazko estreinaldiekin batera), DVDen salmentak aurrera egiten du. Euskaraz bikoiztuta dauden pelikulei ("Horton", "Ice Age 3", "Percy Jackson eta Tximista Lapurra", "A-Taldea", "Marmaduke", "Gaua eta Eguna" eta "Chloe") bi film berri batu zaie: haurrei zuzendutako animaziozko "Rio" eta "Hanburgesa Zaparrada".