Zozketa
Erregetako loteriak diru txikiak utzi ditu Euskadin
Erredakzioa
2012/11/27
Lehen saria, 71208 zenbakia, Sorian eta Burgosen saldu dute. Bigarren saria, aldiz, 92225 zenbakiari egokitu zaio eta oso banatuta egon da.
Lehen saria Sorian eta Burgosen saldu dute. Argazkia: EFE.
Erregeetako Zozketak diru txikiak utzi ditu gaur Euskadin. Lehenengo sari bien txartelik ez da saldu bertan eta 14.000 eurorekin saritutako hamabi zenbakietatik gutxi batzuk baino ez dira banatu. Azken sari hauen artean, 88.690 zenbakia Lekeition saldu da oso-osorik. 75.168 zenbakia, ordea, Galdakaon saldu dute. 01.457 zenbakia, berriz, oso banatuta egon da eta zortea eraman du Bilbo, Getxo, Elorrio eta Zallara, Bizkaian, eta Beasain eta Pasaiara, Gipuzkoan.
58.811 zenbakia ere Gipuzkoako hiru administraziotan saldu dute: Azpeitia, Zarautz eta Donostian. Era berean, 83.221 zenbakiari dagokion sariaren zati bat Eibarren egokitu da. Gasteizko 8. administrazioan, Enrique Eguren kalean, hain zuzen, oso-osorik saldu da 86.921 zenbakia.Sari nagusia, Soria eta Burgosera
71.208 zenbakiari egokitu zaio Erregeetako Zozketa Bereziaren Sari Nagusia (2 milioi euro seriari eta 200.000 hamarrenari). Sari Nagusia San Leonardo del Yagüe (Soria) herrixkan saldu dute, baina Loteria Administrazioak saritutako txartel gehienak saldu ditu Huerta del Rey (Burgos) herrian, San Leonardotik hurbil.
Bigarren saria, berriz, 92.225 zenbakiari egokitu zaio (milioi euro bana seriari eta 100.000 hamarrenari). Zenbakia hau honako leku hauetan saldu dute: Benidorm, Elche, Pulpi, Almería, Oviedo, Puerto de Pollença, Igualada, Barcelona eta Hospitalet de Llobregat.
Era berean, 14.000 euroko saria jaso dute honako zenbaki hauek: 01457, 52558, 58811, 13527, 83221, 00260, 86921, 81376, 09795, 88690, 99613 eta 75168.