Gabonetako Loteriak 2.310 milioi emango ditu saritan, 70 gehiago

Gabonetako Loteria Nazionaleko Zozketak iaz baino bost milioi dezimo gehiago ipiniko ditu salgai, 2.310 milioi euro banatzeko, hain zuzen, iaz baino 70 gehiago. Gainera, 'Saririk handiena partekatzea da' aurtengo lelopean adineko baten istorioa kontatuko dute.

Datorren abenduaren 22an urteroko zozketa egingo dute eta, gaur, astelehena, egin dute horren aurkezpena. Azaldu dutenez, berritasun nagusia da 165 milioi dezimo jarri dituztela salgai, alegia, azken urtean baino 5 milioi gehiago, 165 serie izango baitira, bakoitza 100.000 zenbakirekin.

Hala, zozketak 3.300 milioi euro jasotzea espero da, eta horietatik % 70 saritan emango ditu. Aurten, lehen saria, sari 'potoloaz' ezagututakoa, 660 milioi eurokoa izango da, eta dezimo bakoitzeko 400.000 euro bananduko ditu.

Salmentek % 4,52 egin zuten gora iaz (2014rekin alderatuta), Inmaculada Garcia Martinez Estatuko Loteria eta Apustuen presidenteak azaldu duenez.