ETB2
151.500 euroko zakua irabazi du PJk "Atrápame si puedes" saioan
EITB MEDIA
San Prudentzio egunean zaku erraldoia eraman du Arabako gazte batek
Pedro José Martín, 'PJ', EITBren bideo batetik hartutako irudia.
Asteak zeramatzaten "Atrápame si Puedes" saioan zakuaren zain, eta iritsi da eguna. Ostiral honetan, apirilak 28, Pedro José Martín PJ gazteak behar bezala erantzun die bost galderei, eta 151.500 euroko saria irabazi du programako historian zakurik handienetakoa.
Bilbon bizi den Egiletako ikaslea da, eta da ezezaguna lehiaketaren jarraitzaileentzat; izan ere, hainbat aldiz egon da zakua irabaztear. Oraingoan lortu du, baina. Ostirala arte ezin izan du PJk 'azken minutu'an lehiatzeko txartela lortu, baina Los Intocables de Eliot Ness filmeko musikaren inguruko galdera egin diote eta eman du erantzun zuzena: Ruggero Leoncavallo. Patxi Alonsok, hunkituta, baieztatu egin dio 25 urteko gazteari bereak zirela 151.500 euroak.
Zuzenbidean eta Nazioarteko Harremanetan graduatua da, eta Abokatutzan masterra egin du. PJk bere familiari eta gurasoei eskaini nahi izan die lorpena.
ETB2ko lehiaketak tinko eusten dio eguerdiro audientziarekiko duen hitzorduari, eta astelehenetik aurrera 20.000 euroko zaku berriarekin abiatuko du astea.